Великомученик Феодор Стратилат, Гераклийский
Дни памяти
святого: 21 февраля, 21 июня
Молитвы
Тропарь Феодору Стратилату
Воинствословием истинным, страстотерпче,
Небеснаго Царя воевода предобрый был еси, Феодоре,
оружиями бо веры ополчился еси мудренно,
и победил еси демонов полки,
и победоносный явился еси страдалец.
Темже тя верою
присно ублажаем.
Кондак Феодору Стратилату
Мужеством души в веру оболкийся
и глагол Божий, аки копие, в руку взем, врага победил еси,
мучеников превелий Феодоре,
с ними Христу Богу моляся не престай о всех нас.
Молитва Феодору Стратилату
О святый угодниче Божий, мучениче Феодор! Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.