Святитель архимандрит Авраамий Смоленский

Молитвы

Тропарь

Днесь возсия нам память твоя, славне, яко солнце,
светозарно лучами озаряющая мир
и тьму нощи злых духов от нас отгоняющая.
Днесь Небёсныя силы святых Ангел
и души праведных мысленно торжествуют, радующеся.
Днесь и мы, грешнии, припадающе, молимся:
отче преподобне Авраамие,
Христа Бога моли непрестанно
спасти град и люди, любезно тебе почитающия.

Кондак

Возсия, Господи, граду Твоему
память Твоего угодника,
яко светлое солнце,
радостно всех, яко лучами, озаряющи,
паче же молитвы Пречистыя Твоей Матере
от всех бед избавляют нас
и упраждняют варварская шатания.
Тем мы, людие Твои и град наш, вельми хвалимся
и спасаемся молитвами
Твоего угодника Авраамия, преподобнаго отца.

Молитва

Моли Бога о мне, святый угодниче Божий Авраамий, яко аз усердно к тебе прибегаю, скорому помощнику и молитвеннику о душе моей.