Священномученик епископ Панкратий Тавроменийский, Антиохийский
Дни памяти
святого: 22 февраля, 22 июля
Молитвы
Тропарь
Яко стрела огнезрачная,
от Верховнаго послан был еси Тавроменийскому престолу
уязвляти безбожных злочестие,
верных же сердца просвещати,
яже боговещанными твоими словесы в вере утвердив
и течение совершив, пострадал еси до крове,
священномучениче Панкратие,
моли за вся, поющия память твою.
Кондак
Светлая тавромениом, Панкратие,
звезда показался еси
и священнострадалец явился еси за Христа,
Емуже ныне предстоя,
моли за чтущия тя, блаженне.
Молитва
Угодниче Божий, Панкратий! Поминай нас в благоприятных твоих молитвах пред Христом Богом, да сохранит Он нас от искушений, болезней и скорбей, да дарует нам смирение, любовь, рассуждение и кротость, и да сподобит Он нас, недостойных, Царствия Своего. Аминь.