И нравом причастник, и престолом наместник апостолом быв, деяние обрел еси богодухновенне, в видения восход: сего ради слово истины исправляя, и веры ради пострадал еси даже до крове, священномучениче Корнилие, моли Христа Бога, спастися душам нашым.
Во святителех благочестно пожив, и мучения путь прошед, идольския угасил еси жертвы, и поборник быв Твоему стаду богомудре. Тем же тя почитающе, тайно вопием ти: от бед избави ны присно Твоими мольбами, Отче наш Корнилие.