Священномученик епископ Еферий Херсонесский

Молитвы

Тропарь

Православия наставниче,
благочестия учитель и чистоты,
вселенныя светильниче,
архиереев богодухновенное украшение,
Еферий премудре,
ученьми твоими вся просветил еси, цевнице,
моли Христа Бога спастися душам нашим.

Кондак

Светоносный день наста
пастырей, епископствовавших светло в Херсоне,
ихже воспеваем праздник,
пострадавших за Христовы овцы.
Священномученицы, молите Пастыреначальника Христа
и нас причести деснаго овец стояния,
да вопием вам:
радуйтеся, священнии отцы,
за Христа кровь свою излиявшии.

Молитва

Угодниче Божий, Еферий! Поминай нас в благоприятных твоих молитвах пред Христом Богом, да сохранит Он нас от искушений, болезней и скорбей, да дарует нам смирение, любовь, рассуждение и кротость, и да сподобит Он нас, недостойных, Царствия Своего. Аминь.