Священноисповедник Михаил Союзов

Молитвы

Тропарь

Воспоим, людие, священноисповедника Михаила,
Кронштадтскому праведнику сослужителя искренняго
и святителю Вениамину сострадальца вернаго,
  в житии своем Богу и ближнему ревностно послужившаго
и на судищи беззаконнем веру правую небоязненно исповедавшаго.
Того молитвами, Христе Боже, спаси души наша.

Кондак

Любовию и милосердием душу свою украсив,
паству твою призывал еси благотворити терпящим глад и нищету,
и во исповедание веры, яко в броню крепкую одеявся,
пред мучители правду Божию явил еси,
священноисповедниче отче Михаиле.
Ныне же Престолу Вседержителеву предстоя,
тепле молишися о душах наших.

Молитва

«О, преславный и добропобедный священноисповедниче Христов Михаил, пастырю добрый, Церкве Русския украшение, земли нашея доброе прозябение, сродников твоих похвало и образе! Ты не убоялся мучителева прещения, веру Православную небоязненно исповедал еси, и болезни и страдания с любовию ко Христу претерпев, вратами правды в Небесное Царство вшел еси. Темже молим тя: вознеси ныне теплую молитву твою ко Господу о Отечестве нашем, да утвердит его в вере Православней до скончания века, да избавит ны от междоусобныя брани и всяких бед и напастей, да возродит в людех наших дух благочестия и страха Божия, да паки будем мы царское священие, род Божий, избранный и святый, присно с вами славящий Отца и Сына и Святаго Духа во веки веков. Аминь