Воинство тленное оставль,
в нетленном ввоенился еси Христови,
и оружием его крестным победив подземных ефиопов,
победы венец от Христа, Тите, славно приял еси,
Емуже молися даровати нам мир и велию милость.
Воина Христова храбраго,
щитом преподобия обложшагося
и воев невидимых крепко победивша,
приидите, вернии, восхвалим,
Тита крепкодушнаго и возопиим:
прииди, святе, к нам и никтоже озлобит ны.