Присносущныя, блаженне, желая сподобитися жизни,
праведне и непорочне
жизнь свою препроводил еси в нынешнем веце,
темже, Меркурие, желаемаго ты достиг,
моли и нам вечныя сподобитися жизни.
Преподобному во всех делех Господеви преискренне работая,
и Онаго всегда в церкви преподобных Своих
преподобным воспевая гласом,
наследил еси, преподобне Меркурие, часть преподобных,
с нимиже молися о всех нас.