Преподобный Марон Сирийский, пустынник
День памяти
святого: 27 февраля
Перед иконой
святого
молятся
О, возлюбленная и священная главо, преподобне и Богоносне отче наш Мароне!
Назирай свыше милостивно нас грешных, и молися Всещедрому Владыце и всех благ Подателю Богу о соблюдении державы нашея, и да сохранит ее от всех врагов цело и неврежденно, во Господе нашем Иисусе Христе.
Буди же молебник и о нас недостойных. Ко Всеблагому Господу честнеи твои руце простри, и от Него милость и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас и от нападения бесов; от видимых и невидимых врагов соблюди, и согрешениям нашим прощение испроси, и спасены Христу нас представи, во еже в день страшнаго суда, с радостию предстати нам пред лицем неизреченныя славы Его, и милостивное призвание в Царство Небесное от Него услышати, и в неизреченной радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко держава Его благословена и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.
Молитвы
Тропарь
Яко незаходимое солнце возсия нам днесь
светозарными твоими молитвами, преподобне отче наш Мароне,
иже некия горы достигл
и тамо на ней живущими нечестивыми чтом бысть,
за превосходящую твою к Богу добродетель,
и тамо обрет требище идольское. Богу освятив, в нем пребывал еси,
и видев Человеколюбец Бог твой подвиг и труды,
дарова тебе дар Свой,
имже пронесеся имя твое в человецех,
целити скорби, огневицу и трясавицу прибегающим к тебе с верою.
Темже и зовем ти:
радуйся, целителю наш скорый;
радуйся, заступниче наш теплый,
предстоиши бо у Пресвятыя Троицы,
молися Той о призывающих имя твое святое,
да избавит от сих тяжких скорбей и спасет души наша.
Кондак
Пресветлое житие твое, отче Мароне,
Ангелы удивило есть,
и бесовская шатания яве устраши.
Верных же собрания светло украси.
К Небесному Христову жилищу, повелевая шествовати всегда.
Егоже моли от тли и бед избавитися,
верою творящим всечестную память твою.
Молитва
О, возлюбленная и священная главо, преподобне и Богоносне отче наш Мароне!
Назирай свыше милостивно нас грешных, и молися Всещедрому Владыце и всех благ Подателю Богу о соблюдении державы нашея, и да сохранит ее от всех врагов цело и неврежденно, во Господе нашем Иисусе Христе.
Буди же молебник и о нас недостойных. Ко Всеблагому Господу честнеи твои руце простри, и от Него милость и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас и от нападения бесов; от видимых и невидимых врагов соблюди, и согрешениям нашим прощение испроси, и спасены Христу нас представи, во еже в день страшнаго суда, с радостию предстати нам пред лицем неизреченныя славы Его, и милостивное призвание в Царство Небесное от Него услышати, и в неизреченной радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко держава Его благословена и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.