Преподобномученик монах Владимир (Елизаров)
День памяти
святого: 20 февраля
Молитвы
Тропарь
Насладився богомудре воздержания,
и желания плотская ты усмирил еси,
явився верою возращаем,
и яко живота древо райское процвел еси,
Владимир отче священный.
Кондак
Православия наставниче,
благочестия учитель и чистоты,
вселенныя светильниче,
архиереев богодухновенное украшение,
Владимир премудре,
ученьми твоими вся просветил еси,
цевнице духовная.
Моли Христа Бога
спастися душам нашим.
Молитва
Исповедниче святый Владимир! Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.