Преподобномученик архимандрит Вадим Персидский
День памяти
святого: 22 апреля
Молитвы
Тропарь Вадиму Персидскому
В тебе отче, известно спасеся еже по образу: приим бо крест последовал еси Христу, и дея учил еси презирати убо плоть, преходит бо, прилежати же о души, вещи безсмертней. Темже и со ангелы срадуется, преподобне Вадиме, дух твой.
Кондак Вадиму Персидскому
В тебе, отче, известно спасеся, еже по образу:
приим бо крест, последовал еси Христу,
и дея учил еси презирати убо плоть, преходит бо,
прилежати же о души, вещи безсмертней.
Темже и со Ангелы срадуется, преподобне Вадим, дух твой.
Молитва Вадиму Персидскому
О пречестный и доблестный преподобномучениче Христов Вадим! Ты, воин непобедимый Христов, подвигом добрым подвизався на земли, венец правды от Господа приял еси. Темже взирающе на образ твой святый, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.