В тебе мати известно спасеся, еже по образу:
приймши бо крест, последовала еси Христу,
и, деющи, учила еси презирати убо плоть, преходит бо,
прилежати же о души, вещи безсмертней.
Темже и со Ангелы срадуется, преподобная Пелагие, дух твой.
Тело твое постами изнуривши,
бденными молитвами Творца умолила еси о деяниих твоих,
яко да приимеши совершенное оставление,
еже и обрела еси, мати, яве,
путь покаяния показавши.