Преподобная Матрона Константинопольская
День памяти
святой: 22 ноября
Молитвы
Тропарь
Мужескомудрено утаившися вражиих лукавых путей, Матроно, к жизни воистину шествовавши несумненною волею и неуклонное течение Богомудро скончавши, от Христа прияла еси благодать духовную, тем и воду цельбам источаеши любовию притекающим в память твою славную, мнихом похвала, моли Христа Бога спастися душам нашим.
Кондак
За любовь Господню, преподобная Матроно, покоя желание возненавидела еси, пощением дух твой просветивши. Но твоими молитвами и противных шатания разори: крепко бо звери победила еси.
Молитва
О святая угодница Божия, преподобная мати наша Матрона! Ангельскими добродетелями душу и тело твое украсивши, и чистотою сердца Христу возлюбленною явившися, и ныне в Небесных обителях со Ангелы предстоящи, не забуди и нас, сущих на земли, и яко благая и милосердая, призри на нас грешных, к тебе усердно прибегающих. Умоли благость Всевышняго Бога, да подаст нам дух покаяния и смирения, да оставит нам грехи наша, и укрепит нас в добродетельном житии, да не оскудеет в нас любовь, и да избавит нас от сетей диавольских и от всякия напасти. Испроси у Господа здравие душевное и телесное, мир и благочестие, и во всем житии нашем не остави нас, молитвами твоими помогая, да сподобимся по исходе нашем причастия вечных благ, и со всеми святыми воспоим Пресвятую Троицу, Отца и Сына и Святаго Духа, ныне и присно и во веки веков. Аминь.