Преподобная Елена Дивеевская (Мантурова)
Дни памяти
святой: 10 июня, 27 июня, 10 сентября
Молитвы
Тропарь
Явилися есте земли Российския украшение, начальницы обители Дивеевския преподобныя матери наша Александро, Марфо и Елено, благословение Царицы Небесныя исполнившия и дерзновение ко господу стяжавшия, молите у престола Пресвятыя Троицы о спасении душ наших.
Кондак
Дивеевския светильницы всесветлыя, преподобныя матери наша Александро, Марфо и Елено, в пощении, бдении, молитве и трудех добре подвизалися есте и по смерти нас освещаете чудес источеньми и исцеляете недугующих души; молите Христа Бога грехов оставление даровати любовию чтущим святую память вашу.
Молитва
О святая угодница Божия, преподобная мати наша Елена! Ангельскими добродетелями душу и тело твое украсивши, и чистотою сердца Христу возлюбленною явившися, и ныне в Небесных обителях со Ангелы предстоящи, не забуди и нас, сущих на земли, и яко благая и милосердая, призри на нас грешных, к тебе усердно прибегающих. Умоли благость Всевышняго Бога, да подаст нам дух покаяния и смирения, да оставит нам грехи наша, и укрепит нас в добродетельном житии, да не оскудеет в нас любовь, и да избавит нас от сетей диавольских и от всякия напасти. Испроси у Господа здравие душевное и телесное, мир и благочестие, и во всем житии нашем не остави нас, молитвами твоими помогая, да сподобимся по исходе нашем причастия вечных благ, и со всеми святыми воспоим Пресвятую Троицу, Отца и Сына и Святаго Духа, ныне и присно и во веки веков. Аминь.