Благоверная княгиня Анна Новгородская
Дни памяти
святой: 23 февраля, 21 июня
Молитвы
Тропарь
От запада возсиявши, яко звезда небосветлая,
прияти Православную веру сподобилася еси,
в нейже плод благославный Русской земле принесши,
святая благоверная княгине Анно,
Христа всем сердцем возлюбила еси,
Того оправдания и законы хранящи;
темже днесь всесвятую твою память празднующе,
грехов оставление молитвами твоими приемлем.
Кондак
Днесь в светлой памяти твоей
Великий Новград веселится,
созывая всех верных светло праздновати память твою,
и мы ныне, духовно ликовствующе,
радостно славим тя и молим:
святая благоверная княгине Анно,
предстоя Святей Троице
моли избавити Великий Новград и всю землю Русскую
от всяких бед и обстояний и всем нам спастися.
Молитва
О великая угодница Божия и преславная поборница Православныя Церкве, святая благоверная княгине Анна! Ты земли нашея украшение, верных поборница и ходатаица непостыдная! Услыши нас, грешных, в час сей молящихся тебе, и припадающе ко святей твоей иконе, умильно глаголем: моли Христа Бога, да спасет души наша.