Праведный Кесарий Назианзин
День памяти
святого: 22 марта
Молитвы
Тропарь
Житием твоим добродетельным
образ явил еси верным,
яко в мире сем возможно есть
жити по заповедем Христовым
и стяжати Духа Святаго.
Темже молитвами твоими
моли Христа Бога
спастися душам нашим.
Кондак
Праведниче святый,
угодниче Христов Кесарий,
молитвами твоими
да спасет Господь
души прибегающих к тебе
с верою и любовию.
Молитва
Праведниче святый Кесарий! Жизнию своею благочестною и добродетельною образ явил еси верным, яко в мире сем возможно есть жити по заповедем Христовым и стяжати Духа Святаго. Темже взирающе на труды твоя и подвиги, смиренно молим тя: предстоя Престолу Вседержителя, моли о нас грешных, да подаст нам Господь покаяние истинное, дух смирения и кротости, терпение в скорбех, благодарение в благополучии, и во всем житии нашем укрепит нас, да не отступим от пути спасения, но, подражая житию твоему, сподобимся молитвами твоими наследия Царствия Небеснаго, со всеми святыми славящаго Отца и Сына и Святаго Духа, ныне и присно и во веки веков. Аминь.