Праведный Иоанн Менюжский, Новгородский

Молитвы

Тропарь

Болезньми святых праведных отроков
Иакова и Иоанна,
имиже о Тебе пострадаша,
умолен буди, Господи,
и вся наша болезни исцели,
Человеколюбие, молимся.

Кондак

Праведниче святый,
угодниче Христов Иоанн,
молитвами твоими
да спасет Господь
души прибегающих к тебе
с верою и любовию.

Молитва

Праведниче святый Иоанн! Жизнию своею благочестною и добродетельною образ явил еси верным, яко в мире сем возможно есть жити по заповедем Христовым и стяжати Духа Святаго. Темже взирающе на труды твоя и подвиги, смиренно молим тя: предстоя Престолу Вседержителя, моли о нас грешных, да подаст нам Господь покаяние истинное, дух смирения и кротости, терпение в скорбех, благодарение в благополучии, и во всем житии нашем укрепит нас, да не отступим от пути спасения, но, подражая житию твоему, сподобимся молитвами твоими наследия Царствия Небеснаго, со всеми святыми славящаго Отца и Сына и Святаго Духа, ныне и присно и во веки веков. Аминь.