Мученица царица Александра Римская, Никомидийская
День памяти
святой: 6 мая
Молитвы
Тропарь Александре Римской
Царства земнаго славу презревши,
Единаго Христа, нас ради распятаго, возлюбила еси
и, Того мужественне исповедающи,
венцем мученическим увенчалася еси,
всеблаженная царице Александре.
Темже и ныне Престолу Царя славы на Небесех предстоящи,
молися о спасении душ наших.
Кондак Александре Римской
Храм Твой всечестный,
яко цельбу душевную обретше вси вернии,
велегласно вопием ти,
дево мученице, великоименитая:
Христа Бога моли непрестанно всех нас.
Молитва Александре Римской
О святая угодница Божия, мученица Александра. Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.