Мученица Пелагия Тарсийская

Молитвы

Тропарь Пелагие Тарсийской

Агница Твоя, Иисусе, Пелагия
зовет велиим гласом:
Тебе, Женише мой, люблю,
и, Тебе ищущи, страдальчествую,
и сраспинаюся, и спогребаюся Крещению Твоему,
и стражду Тебе ради,
яко да царствую в Тебе, и умираю за Тя,
да и живу с Тобою,
но яко жертву непорочную приими мя, с любовию пожершуюся Тебе.
Той молитвами,
яко Милостив, спаси души наша.

Кондак Пелагие Тарсийской

Временная презревши
и Небесных благ причастница бывши,
венец страдания ради приимши,
Пелагие всечестная,
яко дар принесла еси кровныя потоки Владыце Христу.
Моли от бед избавити нас,
твою память почитающих.

Молитва Пелагие Тарсийской

О святая угодница Божия, мученица Пелагея. Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.