Мученица Кириакия Никомидийская

Молитвы

Тропарь

Одолением чудесным
победила еси вражия силы до конца,
Недело преславная,
идоложрения бо тьму
далече Креста честнаго светлостию прогнала еси.
Мученице всехвальная,
Христу Богу молися
даровати нам велию милость.

Кондак

Храм Твой всечестный,
яко цельбу душевную обретше вси вернии,
велегласно вопием ти,
дево мученице, великоименитая:
Христа Бога моли непрестанно всех нас.

Молитва

О святая угодница Божия, мученица Кириакия. Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.