Мученица Ирина Аквилейская

Молитвы

Тропарь

Агница Твоя, Иисусе,
зовет велиим гласом:
Тебе, Женише мой, люблю,
и Тебе ищущи страдальчествую,
и сраспинаюся и спогребаюся крещению Твоему,
и стражду Тебе ради,
яко да царствую в Тебе, и умираю за Тя,
да и живу с Тобою,
но яко жертву непорочную приими мя с любовию пожершуюся Тебе.
Тоя молитвами,
яко милостив, спаси души наша.

Кондак

Крепко душу, Ирино, ополчила еси верою,
яве лукаваго посрамивши,
и ко Христу привела еси тьмы людей множества, блаженная,
и, порфиру от кровей носящи,
со Ангелы ныне веселишися.

Молитва

О святая угодница Божия, мученица Ирина. Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.