Мученица Анна Лыкошина

Молитвы

Тропарь

Благодати тезоименитая,
града святаго Петра похвало,
на островех Соловецких узы и страдания за Христа претерпевши,
блаженства изгнанных правды ради причастна явилася еси,
мученице славная Анно,
моли Христа Бога,
спастися душам нашим.

Кондак

Древним мученицам подражавши,
естество немощное силою Божиею укрепила еси
и, на страдания за Христа устремившися,
чертога Небеснаго Жениха достигла еси,
мученице Анно богомудрая,
ныне радости Небесныя наслаждающися,
моли о верою и любовию чтущих тя.

Молитва

О святая угодница Божия, мученица Анна. Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.