Мученик Мина Александрийский, Калликелад (Красноречивый)
Дни памяти
святого: 2 марта, 23 декабря
Молитвы
Тропарь
Воздержанием страстей огнепальныя
умертвивше зраки и движения, Христовы мученицы
прияша благодать недуги отгоняти немощных
и живше и по кончине чудодействовати.
Воистинну чудо преславно,
яко кости наги источают исцеления,
слава Единому и Создателю Богу.
Кондак
Добропесненный глас твоих словес,
Ермогена из глубины погибели возвед,
постави на камени жизни,
отонудуже и Евграф, царя обличив,
радуяся, посекается в славную главу,
но прилежно моли, Мино,
спастися всем, любовию чтущим тя.
Молитва
О святый угодниче Божий, мучениче Мина! Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.