Мученик Иустин Философ, Великий, Римский
День памяти
святого: 14 июня
Молитвы
Тропарь
Мученицы Твои, Господи,
во страданиих своих венцы прияша нетленныя от Тебе, Бога нашего:
имуще бо крепость Твою,
мучителей низложиша,
сокрушиша и демонов немощныя дерзости.
Тех молитвами
спаси души наша.
Кондак
Премудростию Божественных твоих словес, Иустине,
Церковь Божия вся украсившися,
жития твоего светлостию мир освещает,
излияния же ради крове венец прием
и со Ангелы предстоя Христу,
моли непрестанно о всех нас.
Молитва
О святый угодниче Божий, мучениче Иустин! Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.