Мученик Феодот Анкирский, корчемник
Дни памяти
святого: 31 мая, 20 июня, 20 ноября
Молитвы
Тропарь Феодоту Анкирскому
И нравом причастник,
и престолом наместник апостолом быв,
деяние обрел еси, богодохновенне,
в видения восход,
сего ради, слово истины исправляя,
и веры ради пострадал еси даже до крове,
священномучениче Феодоте,
моли Христа Бога
спастися душам нашим.
Кондак Феодоту Анкирскому
Страдальчески подвизався добре, со сострадальцы твоими, Феодоте,
и венцы почести приясте с честными страстотерпицами девами.
Темже Христа Бога молите непрестанно о всех нас.
Молитва Феодоту Анкирскому
О святый угодниче Божий, мучениче Феодот! Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.