Мученик Ермий Команский
День памяти
святого: 13 июня
Молитвы
Тропарь
Мученик Твой, Господи,
во страдании своем венец прият нетленный от Тебе, Бога нашего:
имеяй бо крепость Твою,
мучителей низложи,
сокруши и демонов немощныя дерзости.
Того молитвами
спаси души наша.
Кондак
Иже по Христе усердно подвизався, в сединах доблих мужество стяжал еси, мучениче Ермее: беззаконных злоумышление поправ Христовою силою, от чаровных напоений невредимь пребыл еси зовый: Бог есть со мною и никтоже на мя.
Молитва
О святый угодниче Божий, мучениче Ермий! Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.