Мученик Епимах Новый, Александрийский
Дни памяти
святого: 24 марта, 13 ноября
Молитвы
Тропарь
Мученик Твой, Господи,
во страдании своем венец прият нетленный от Тебе, Бога нашего:
имеяй бо крепость Твою,
мучителей низложи,
сокруши и демонов немощныя дерзости.
Того молитвами
спаси души наша.
Кондак
Многообразныя раны претерпел еси
и венец прием от Христа Бога,
Емуже о нас молися, блаженне Епимаше,
верно совершающих память твою,
да спасет души наша.
Молитва
О святый угодниче Божий, мучениче Епимах! Подвигом добрым подвизався на земли, восприял еси на Небесех венец правды, его же уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веке и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.