Праведная Иоанна, мироносица

Молитвы

Тропарь Иоанне мироносице

Житием твоим добродетельным
образ явила еси верным,
яко в мире сем возможно есть
жити по заповедем Христовым
и стяжати Духа Святаго.
Темже молитвами твоими
моли Христа Бога
спастися душам нашим.

Кондак Иоанне мироносице

Радоватися мироносицам повелел еси,
плач праматере Евы утолил еси
Воскресением Твоим, Христе Боже,
апостолом же Твоим проповедати повелел еси:
Спас воскресе от гроба.

Молитва Иоанне мироносице

Праведнице святая Иоанна! Жизнию своею благочестною и добродетельною образ явила еси верным, яко в мире сем возможно есть жити по заповедем Христовым и стяжати Духа Святаго. Темже взирающе на труды твоя и подвиги, смиренно молим тя: предстоя Престолу Вседержителя, моли о нас грешных, да подаст нам Господь покаяние истинное, дух смирения и кротости, терпение в скорбех, благодарение в благополучии, и во всем житии нашем укрепит нас, да не отступим от пути спасения, но, подражая житию твоему, сподобимся молитвами твоими наследия Царствия Небеснаго, со всеми святыми славящаго Отца и Сына и Святаго Духа, ныне и присно и во веки веков. Аминь.