Дивен, творяй преславная чудеса
и прославляяй по кончине славящия Тя,
нетленная телеса их являя
и чудо действии люди обогащая
во славу святаго Имене Своего,
даровавый нам тело угодника Своего Иоанна,
молящагося о душах наших.
Приидите, достодолжно почтим Иоанна, новыя благодати служителя новопрославленнаго,
славу веры нашея и нашего молитвенника,
созывает бо пети благодарными гласы
и прославити Прославльшаго святыя Своя
и молится о творящих память его и о зовущих ему:
радуйся, Иоанне, новое процветение.