Благоверный князь Андрей Боголюбский

Молитвы

Тропарь

Яко благоверен и праведен,
за любовь Христа Бога от своих смерть приял еси,
кровь свою пролияв,
яко же прежде сродницы твои и страстотерпцы Борис и Глеб,
ихже кровем совопиет и твоя кровь, святе, к Богу,
якоже Авеля и Захарии праведных,
благоверный страстотерпче, великий княже Андрее,
с нимиже Христа Бога моли о стране нашей, еже Богоугодней быти
и сыновом российским спастися.

Кондак

В мире сем благочестно и праведно пожив, молитвою, милостынею и благостраданием Богу угодил еси, сего ради и Бог по убиении твоем прослави тя нетлением и чудесы, Егоже, святе Андрее, моли сохранити отечество твое и всех людей, благочестно тебе почитающих.

Молитва

Моли Бога о мне, святый угодниче Божий Андрей, яко аз усердно к тебе прибегаю, скорому помощнику и молитвеннику о душе моей.