Апостол от 70-ти Флегонт Марафонский
День памяти
святого: 21 апреля
Молитвы
Тропарь
Апостоле святый Флегонт,
моли Милостиваго Бога,
да прегрешений оставление
подаст душам нашим.
Кондак
Яко звезду пресветлую
церковь всегда стяжа тя, апостоле Флегонт,
чудес твоих многоподаванием просвещаема.
Темже зовем Христу:
спаси чтущих верою память Твоего апостола, Многомилостиве.
Молитва
Святый славный и всехвальный апостоле Христов Флегонт, молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего; да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богугодно житие сие временное скончати, благую и мирную христианскую кончину получити и доброго ответа сподобитися на Страшнем Суде Христове; да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.