Апостол от 70-ти епископ Варнава (Иосия)

Молитвы

Тропарь

Язык огнедохновен в силе Духа приемше,
во плоти пришедшее Слово проповедаете всюду,
Егоже ради ов во главу усечен,
ов же камением побиен,
и есте апостольскому лику украшение,
Варфоломее и Варнаво,
темже память вашу почитаем и просим:
молите Христа Бога подати нам грехов оставление.

Кондак

Господень был еси всеистинный служитель,
апостолов же явился еси седмидесятих первый,
озарил еси и с Павлом проповедь твою,
всем возвещаяй Христа Спаса,
сего ради песнопении
Божественную память твою, Варнаво, совершаем.

Молитва

Святый славный и всехвальный апостоле Христов Варнава, молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего; да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богугодно житие сие временное скончати, благую и мирную христианскую кончину получити и доброго ответа сподобитися на Страшнем Суде Христове; да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.