Апостол от 70-ти епископ Иродион, Патрасский

Молитвы

Тропарь

Апостоли святии,
молите Милостиваго Бога,
да прегрешений оставление
подаст душам нашим.

Кондак

Христовых учеников лик седмьдесят
Божественно, вернии, в песнех восхвалим,
теми бо вси навыкохом Троицу почитати Нераздельную,
и пребывают светильницы Божественныя веры.

Молитва

Святый славный и всехвальный апостоле Христов Родион, молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего; да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богугодно житие сие временное скончати, благую и мирную христианскую кончину получити и доброго ответа сподобитися на Страшнем Суде Христове; да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.