Апостол от 70-ти епископ Марк евангелист, Александрийский, Аполлониадский, Вавилонский
Дни памяти
святого: 17 января, 8 мая, 10 октября, 12 ноября
Молитвы
Тропарь апостолу Марку
Апостоле святый и Евангелисте Марко,
моли Милостиваго Бога,
да прегрешений оставление
подаст душам нашим.
Кондак апостолу Марку
С высоты приим благодать Духа,
риторская плетения разрушил еси, апостоле,
и, языки вся уловив, Марко всеславне,
твоему Владыце привел еси,
Божественное проповедав Евангелие.
Молитва апостолу Марку
Святый славный и всехвальный апостоле Христов Марк, молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего; да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богугодно житие сие временное скончати, благую и мирную христианскую кончину получити и доброго ответа сподобитися на Страшнем Суде Христове; да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.