Апостол от 70-ти епископ Карп, Берийский (Македонский)
Дни памяти
святого: 17 января, 8 июня
Молитвы
Тропарь
Апостоле святый Карпе,
моли Милостиваго Бога,
да прегрешений оставление
подаст душам нашим.
Кондак
Яко звезду пресветлую,
Церковь всегда стяжа тя,
апостоле Карпе,
чудес твоих многоподаванием просвещаема,
спаси верою чтущих память твою.
Молитва
Святый славный и всехвальный апостоле Христов Карп, молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего; да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богугодно житие сие временное скончати, благую и мирную христианскую кончину получити и доброго ответа сподобитися на Страшнем Суде Христове; да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.